- أهم ما جاء في الرسالة

* زوجي رغم تفهمه بعايرني كتير بهاي الشغلة وما بعرف شو بدي اعمل

*  ما بقدر اعطي زوجي كل حقوقه الزوجية، لانني ما بقدر امارس معه الجنس

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي كالتالي:
الأفاضل في موقع العرب بدي اني اعرض مشكلتي عسى اني الاقيلها حل عندكم مع رايكم، انا امراة متعلمة عمري (29 عاماً) تعرفت على زميلي في مكتب الهندسة اللي بشتغل فيه وقررنا الزواج، بعد علاقة حب قوية جداً، وأنا متزوجة من حوالي 3 سنين، وبحب زوجي لدرجة العشق، لكن عندي مشكلة وهاي المشكلة منغصة علي حياتي.



أنا ما بقدر اعطي زوجي كل حقوقه الزوجية، لانني ما بقدر امارس معه الجنس، بالرغم من حبي الكبير اله، استشرت طبيبة نسائية بالموضوع اكدتلي انه عندي اموري طبيعية وانا معافاه بس المشكلة ما انحلت، كل مرة بطلب مني زوجي انه نمارس الجنس بحاول وبضحك عليه وعلى حالي وبكون متل الصنم فيالفراش، هو بحس بهذا الموضوع واحنا حكينا كتير بهاي المشكلة هو مش عارفة شو المشكلة، واحيانا كتير بتهمني اني ما بحبه علشان هيك ما بقدر امارس معه الجنس، انا نفسي اعطيه كل اللي بتمناه بس انا ما بقدر، حياتي على وشك الانهيار زوجي رغم تفهمه بعايرني كتير بهاي الشغلة وما بعرف شو بدي اعمل، ساعدوني بترجاكم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il