زجل كُن جميلاً (1) -بقلم : اسماء طنوس المكر

    زجل           كُن جميلاً (1)        بقلم : اسماء طنوس المكر
    الدِّنيي بتِضحكلَك عَطول
    لَمّا انــتَ بتِضـحك ليــها
   لَحالَــك انــتَ المســؤول
   لَوْ مــا بتِــتـــهنّــى فيــها
  ______________
  الدّنيــي مِـــثِل الِمـرايِـــه
  حِبـــها بتِحلــى بعــيونَك
 وأعــــطيـــلا الرِّعــايــِه
 السّــعادِه بِتـــلاقــــيـــها
 _____________
 والحيــاه فَــن وعطـــاء
 لَمّا بتِعــطي بتِعـطيــلَك
 بِتحِسّ برَغــدِ وهَـنــاء
 ما يوم رايِــح تِشكـيها
 ____________
 إحسِبـها مِثـــل الوردِه
 بتِتبسّمــلَك منِ بعـــيد
 بِتــقولَّــــك لا تِحتَـــدِّ 
تبَسَّــم حتَى تحَلّـــيــها
____________
إوعَ يوم تِشكي منــها
الشّاكي بِتصيبُه عِلِّــه
لا تِخسر حُبَّك إلــهـا
نَفسَك مـين يداويـــها
___________
بالهَنا عُمرَك بيطـول
بِتدُقّ الفرحه بــابَـــك
عِش حياتَك بالأصول
عَنَّك الِهموم ارميــها 
___________
مِثلِ النّسمِه الرّقيقــه
بِتهَدّيلَك أعصـــابَـك
تَــتِفــهم الحقــيــقَـــه
أُمورَك تِتحَكَّم فيــها
___________
لَيكِ العُصفورالغَرّيـد
بيُشكُر أللّه بتغريـــدُه
الدِّنيي بيلاقيــهاعيـد
الصُّبح بقوم يغنّيــها
___________
والأزهاراللّي بِتلوح
عَم تُرقُص عَبَسماتا
والِعطوربتِبدا تفوح 
لَمّــا تنَسِّـــم عليــها בעבה
___________
لَيك الأشجار الخضرا
بِـتسَبِّـــح رَبّــاالخــالق
بِتهِزّ غصونا النَّضرَه
بتُشكُر نِعمِـة باريـهـا

-