تصالحوا أرض وسما

لَمّــــا أجانـــا يســـوع

وِارْتَوينـــا منِ الظّــما

لَمّا شرِبنا منِ الينبوع

____________

صار عِنّا تاريخ جديد

عِنوانُه خلاص ُ الرّب

سمّينا ميــلادُه  العيــد

عَرَّفنــــا معاني الحُب

إبن السّمـــا بالتّـأكيــد

جايِ تَيْبطِّــل الحَرب

جايِب للنّاسِ مواعيــد

ما يلاقُوا بعدُه الِدموع

____________

يسوع ابنُ اللّهِ النّـــور

ما في ظُلمِه بِدْروبُــه

مِن نورُه فَلّ الدَّيْجـور

كُلٌّ صايـِر محبــوبُــه

منِ الأزل الى الدُّهـور

جايِ للخُطاه يتــوبــوا

واللّي بيِبقى بالشُّــرور

راح يشعُرإنُّه مَوْجوع

____________

يسوع ال حَبّ الخاطي

جايِ يسِــدِّلُّه ديـــونُـــه

يسوع النِّعمِـــه عاطــي

حتّــى لِلّــي بيخـــونُــه

جايِ يِنسى الأغـــــلاطِ

وللّي ما كان يصــونُـــه

من دون جيش وضُبّاطِ

عَم يطلب منكَ الرُّجوع